21 лютага - Міжнародны дзень роднай мовы!
21 лютага адзначаецца Міжнародны дзень роднай мовы. Гэта асаблівы дзень для кожнай нацыі, кожнага народа, бо няма народа без мовы, няма мовы без яго носьбіта. І беларусы не выключэнне. Не прайшоў бясследна Дзень роднай мовы і для нашага класа. Дэвізам дня сталі словы: “Рускай мове дай разгрузку, размаўляй па-беларуску!” Вучні з задавальненнем прымалі ўдзел у акцыях “Сэрца любімых слоў”, “Размаўляй са мной па-беларуску”. Наведалі і першакласнікаў, якіх пазнаёмілі з багаццем роднага слова, а на памяць пакінулі лістоўкі з заклікам да святкавання Дня роднай мовы. Выстава мастацкай літаратуры “Прыгарніся да роднага слова” зацікавіла многіх вучняў. Усе праведзеныя мерапрыемствы садзейнiчалi патрыятычнаму выхаванню юных грамадзян Рэспублiкi Беларусь, дапамаглі абудзіць цікавасць да вывучэння роднай мовы, гісторыі беларускага народа.
Сябры! Палюбім родную мову, палюбім яе не на словах, а чэсна і свядома, палюбім так, як яе палюбілі класікі беларускай літаратуры Янка Купала, Якуб Колас і Максім Багдановіч.
