Экскурсія ў рэдакцыю газеты "Калінкавіцкія навіны"
5 красавіка вучні 3 “В” класа наведалі рэдакцыю газеты “Калінкавіцкія навіны”. На парозе рэдакцыі дзяцей сустрэў Аляксандр Віктаравіч Века, намеснік галоўнага рэдактара. Па-гаспадарску ён запрасіў нас у прэс-цэнтр “КН” і правёў змястоўны экскурс у мінулае, расказаў аб сучасным.
Дзеці даведаліся, што наша раённая газета існуе з 19 студзеня 1941 года, і выходзіла пад назвай “За большэвіцкія тэмпы”. У гады Вялікай Айчыннай вайны выходзіла пад назвай “Партызан”. Самым цікавым было для дзяцей разглядаць альбомы (з падшыўкай газет). Аляксандр Віктаравіч паказаў газеты 1955 года. У той час газета мела назву “Сцяг камунізма”, і тэкст набіралі ўручную. У рэдакцыі была свая друкарня ў Калінкавічах. Зараз газета “Калінкавіцкія навіны” друкуецца ў Гомелі.
У вучняў была магчымасць патрымаць газеты за 2013 г. (гэта іх год нараджэння). Як высветлілася, з другога паўгоддзя 2013 года наша раённая газета стала друкавацца каляровай, а раней была чорна-белая. Аляксандр Віктаравіч вельмі шмат цікавага расказаў пра знакамітых людзей нашага раёна, перадавікоў розных галін вытворчасці.
Вялікі дзякуй, Аляксандр Віктаравіч, за Вашу працу.
(гл.альбом)
